დღეს ერაყის უსაფრთხოების ძალებმა ქალაქ ფალუჯას დაბრუნების მიზნით, დაჯგუფება ისლამურ სახელმწიფოზე იერიშების ახალი სერია დაიწყეს. ოფიციალური წყაროები ადასტურებენ, რომ ექსტრემისტებს რამდენიმე მიმართულებიდან უტევენ.
პარალელურად, იზრდება შეშფოთება ფალუჯაში მცხოვრები მშვიდობიანი მოსახლეობის ბედის გამო, რომლებიც ექსტრემისტების მიერ კონტროლირებულ დასახლებაში იმყოფებიან და გაქცევის საშუალება არ აქვთ. გავრცელებული ინფორმაციით, ქალაქიდან გასასვლელი გზები დანაღმულია და დაჯგუფება მათ დასაბლოკად თვითმკვლელ ტერორისტებსაც იყენებს.
